CAST | EUSK | ENGL
» home | » berriak | » 13. PROKLAMA
13. PROKLAMA

MINTEGIA: SOLSTIZIO TOPAKETAK 

Artiumen, ekainaren 17tik 21era

Izenemateak: proklamar@gmail.com (leku mugatuak, ekainak 15 arte)

 

 

 

 

 

 

 

 

GORPUTZ LEIZETSUENTZAKO GIMNASTIKAK

Askotariko pertzepzio-egoerak trebatzeko gunea

Begiak gorputz gainera erortzen uztea, ekainaren 17an, Plaza aretoan, 11:00 -14:00

Jan, irakurri, xuxurlatu, ekainaren 18an, Plaza aretoan, 13:30 - 16:30

Eskukatzea, lantegia Eduardo Williams-ekin, ekainaren 19an, Plaza aretoan, 16:30 - 22:00

Irudiak su hartzea, ekainaren 20an, Ekialde-Goikoa aretoan, 21:00 - 24:00

 

LANTEGIA: PICAROT KARTAK

Estalitako irudiak irakurtzeko, interpretatzeko, hausnartzeko eta agerrarazteko ibilaldia

Ekainaren 17tik 20ra, Plaza, Ekialde-Goikoa, Atari eta Emanaldi aretoetan, 16:30- 20:30

 

UDABURUA ZEHARKATZEA 

Artiumetik Azalara oinez joatea eta izarpean lo egitea

Ekainaren 21ean; irteera, Plaza aretotik, 14:00

Aurretik, Oroi. Queda mucho pasado por delanteerakusketaren bisita, 12:00

 

ALDI BEREAN

Parsi (Eduardo Williams, Mariano Blatt, 2018), bideo-instalazioa, Ekialde-Goiko aretoan, ekainaren 18-19an, 17:00 - 21:00. Ekainaren 21ean, 11:00 - 14:00 eta 17:00 - 21:00

Black Pond (Jessica Sarah Rinland, 2018), proiekzioa, ekainaren 18an, 18:00 - 19:30

MASA (Isaak Erdoiza, 2018), dantza, ekainaren 20an, Ekialde-Goikoa aretoan, 21:00 - 24:00 

 

Informazioa eta izen-emateak:proklamar@gmail.com. Picarot kartak lantegian parte hartu nahi dutenek Gorputz leizetsuentzako gimnastikak saioetan hartu behar dute parte. Aldi bereko jarduera guztietan sarrera librea da, ez dago aurrez izena eman beharrik.

 

--------------------

 

Proklamaren hamahirugarren edizio honetan, 13. zenbakia dugu ospatzen. Izan ere, 13. zenbakia -heriotzarekin, mudantzarekin, iraultzarekin, kaosarekin, errebeldiarekin, oposizioarekin eta autoritatearekin lotua- zenbaki aztoragarria da. Goretsia bezain madarikatua, batzuek 12+1 deituta saihestu nahi izaten dute, agian ebakidura, etena eta zubia delako, egoera desberdinak bereizten eta komunikatzen dituelako. Eta horixe egingo dugu guk Proklamaren 13. zenbaki honetan, egoera batetik bestera igaro.Mintegi trinko bat antolatu dugu horretarako, udako ikastaro baten antzeko bat, haren bidez geure burua prestatzeko Eguzkia ekuatoretik urrunen aurkitzen den une horri -udako solstizio edo udaburuari, aurten ekainaren 21eko 17:54 orduetan gertatuko denari- behar bezalako harrera egiteko. Ondoren, oinez jarraituko dugu.

 

Gorputz leizetsuentzako gimnastikak. Gune hau praktika somatiko batzuk egiteko gune gisa proposatzen da, praktika horien bidez gure gorputzek osagai dituzten galeriak eta zuloak -betzuloa, koklea, masailezurra, ahosabaia, hestegorria, aurikulak, bentrikuluak, azaleko poroak…-korritzeko eta zeharkatzeko. Laborategiaren ordutegia beheranzko denbora-lerro baten arabera planteatzen da, egunetik gauerako aldaketarekin bat etorriz. Eduardo Williamsek emango duen lantegia ez beste guztiak K.A.P.I.K. taldeko parte-hartzaileak izango dituzte gidari. Bestalde, astearteko saioan eskaintzen den otordua Cocina de Guerrilla Sukaldea proiektuko kide Ruben Castillejo Argoterekin lankidetzan prestatuko da.

 

Picarot kartak.Tarot kartetan inspiratuta dagoen sistema esoteriko baten bidez, estalitako irudiak irakurtzeko, interpretatzeko, hausnartzeko eta agerrarazteko lantegi bat proposatzen da. Lantegia Museoko hainbat tokitan egingo da -toki argiak, ilunak, korridoreak-, sentiberatasunez, arretaz, galdera berrien argitara erantzunak aletuz zeharkatuko ditugun hainbat tokitan. Nola fidatu zorian? Nola interpretatu? Nola jarri harremanetan ikusgai dena ikusezin denarekin? Nola bereizi irazekitako irudia? Nola agerrarazi bere baitan gordetzen dituen kontakizunak? Gai horiek eta horien atzeko beste batzuk aztertuko ditugu lantegian, K.A.P.I.K. taldeko parte-hartzaileen zuzendaritzapean, eta Eduardo Williams-ekin, Jessica Sarah Rinland-ekin eta Gustavo Abascal-ekin solasean. 

 

Solstizioa zeharkatzea. Oinez joango gara Artiumetik Azalara, soinuak, zentzumenak eta ikuspegiak lagun ditugula. Gasteiz. Kanpoaldea. Egun-argia. Kalea gurutzatu duzu, gain batean zaude, hiritik zortzi bat kilometrora. Ostertzeko puntu batean, dorre gorri bat ikusten duzu, eta areago, espetxe bat, apaizgaitegi bat, ostatu bat, prostituzio-etxe bat, gasolindegi bat. Atalase fisikoak, mentalak, geografikoak. Ondoren, basoa dator. Sei ordu oinez. Pertzepzioa zabalduz doa. Suaren inguruko liturgiak udarako igarobidea ospatzen du. Iraupena, aurreko baretasun maitekor bera. Ikusmina baretzeko sehaska-kantak, itsutasunera arte. Eta iraupenak esperientzia desegiten dut. Eta izarpean lo egin, iluntzetik goizaldera arte. Uneren baten, agian, isiltasuna. Barnealdea. Beltzerako iraungipena. 

 

13. Proklamara gonbidatuak: Eduardo Williams, zinemagile argentinarra (Buenos Aires). Besteak beste, film hauek zuzendu ditu: El auge de lo humanoPude ver un Pum aeta ParsiJessica Sarah Rinland, argentinar jatorriko zinemagile britaniarra. Besteak beste, film hauek zuzendu ditu: Y Berá- Aguas de Luz,Expression of the Sightless eta Black PondGustavo Abascal, Artiumeko segurtasun-, prebentzio- eta berrikuntza-teknikaria. Euskal Herriko saguzarren inguruko hainbat ikerketa egina da. Cocina de Guerrilla Sukaldea, Ruben Castillejo Argote buru duen proiektu kooperatiboa. Sukaldaritzari eta gastronomiari buruzko bestelako ikuspegi bat hartuta, elikagai-subiranotasuna sustatzen du elikagai-eskubideen eta giza eskubideen berme gisa. MASAtaldea honako kide hauez osatuta dago: Isaak ErdoizaNazario DíazAntonio L. Pedraza eta Ibon Salvador.

 

K.A.P.I.Kirudimen kolektiboko programa bat da, eta Azala kreazio espazioan eramaten da aurrera, BAD eta DNA jaialdiekin lankidetzan. Ikerketa-taldea kide hauez osatuta dago: Ainara LeGardon, Alina Ruiz Folini, Camila Téllez, Ghislaine Verano, Ibon Salvador, Idoia Zabaleta, Inés Aubert, Isaak Erdoiza, Isabel de Naverán, Ixiar Rozas, Karlos Martínez B., Luciana Chieregati, Maia Villot, Marion Cruza Le Bihan, Miguel Álvarez-Fernández, Miriam Inza, Nazario Díaz, Pablo Marte eta Rebecca Collins. 

 

Proklama arte bizien programa bat da, Artiumekin eta AZALArekin elkarlanean antolatua. 

  

Proklama nº13
logotipoak
argazkiak
diseinua: leirelana.com