Irailaren 25eko astean Konposizioa Denbora Errealean laborategiak Azalan jarraitu zuen, simulazio formatuan. Luciana Chieregati, Ibon Salvador eta Joao Fiadeirok CTRren inguran solasten dute, pentsamendua pentsatzeko tresna, afektuak, eta konposizioa-posizioren arteko erlazio mikropolitikaz:  

2017ko irailaren 21ean, "Konposizioa denbora errealean eta sorkuntza koreografikoa laborategian" J. Fiadeiro eta C. Camposekin solastu genuen, besteak beste, ikusezin izatearen garrantziaz egiten duguna egiten jarraitu ahal izateko: 

Maiatzaren 24ean Azalako estudioan, zeru pristinoarekin, José Luis Espejok mesmerismoari buruz hitz egin zigun, Boccioni, Adorno, Rafael Penagos, Concha Piqué. Espejok honako bi audio-irudi hauek partekatu zituen gurekin: 

Maiatzaren 12an arratsaldez, 10. Proklamaren baitan historia(k) dokumentala eta prozesua aurkeztu ostean Olga de Sotorekin solastu dugu. El joven y la muerte lana, bertan dagoen dispositiboaren koreografia, dantza egiteko desioa, dantza eszena eramateko desioa, agertzear dagoenaren potentzia eta isiltasunari buruz.

2016ko abenduaren 3an, "EndPlay: An Observatory" aurkezpenarekin itxi genuen Tabakaleran "Tuning scores" formakuntza-sorkuntza egitaraua. Solasaldian Lisa Nelson entzungo dugu, laborategiko partaideak, egun hartan bildu zen entzulego aparta, Luciana Chieregati itzultzaile lanetan eta Maria Muñoz ere bai.  

2016ko azaroaren 25ean, arratsaldeko saioa hasi baino lehen, Lisa Nelsonekin solastu genuen. Dantza begiratzeko moduak, arreta eta irudimenaren arteko harremanak, espazioarekin unisono aukerak, gorputza baten barruko eta kanpoko mugimenduen kontzientziari buruz. Bi egun lehenago elurrak dena zuritu zuen.

2016ko urriaren 15ean, 8. Proklamaren baitan eta Artium-en, Iratxe Jaiok eta Klaas van Gorkumek "Mailegu eskaera" topaketaren sarrera egin zuten. Iruñea-Veleiari buruzko aurkikuntza arkeologikoak eta erakunde publikoetatik haien izaera publikoa oztopatzeko moduei buruz.

Larunbate goiz batez,  Rosa Casado & Mike Brookes-ekin solastu genuen "Zelatan, Arrasto bila, Miaka: Etorkizuna partekatzen" lanari buruz, 7. Proklamaren baitan. Egun horretan zerura begiratu zuten ere J. Otero, O. Cornago, M. Rojo, A. de la Horra, M. Fran Machin, I. Zabaleta, L. Cabrera eta I. Rozas.

Isabelle Ginot eta Marcel Bugiel Azalan irailaren 5etik 9ra bitartean emandako "Dantza: anormala dena" mintegiaren ostean. Nola begiratzen dugu urritasuna duten pertsonek egindako lan eszeniko bat? Bestelako piezak bezalaxe begiratu eta haiei buruz halaxe idaztea posizionamendu politikoa da. 

Azaroaren 23an, arratsaldez, Ana Buitrago, Oscar Dasi eta Sergi Faustinorekin solasean Azalako txokoan. Halako batean euriaren zurrumurrua. Eta aurrerago Jaime Conde Salazarrek ere bat egiten du ahotsekin. Lankidetzan aritzeko moduetaz, egoak, azpilurra, denborazkotasun hedatuak eta poetikoa denari buruz.

"Diozun guztia" proeiktuarekin Azalan egindako egonaldiaren ostean, Iratxe Jaio eta Klaas Van Gorkumekin izandako solasaldia. Urriak 19an, goiz epel eta euritsu batean. Epaile-hizkuntzaren performatibitatea, eta haren eta artearen hizkuntzaren gurutzaketei buruz. 

Goiz horretantxe, bi artista bisualek Iruñea-Veleiaren inguruan egindako proiektuaren inguruan mintzatu gara. Zeinek du egia? Narratiba zientifikoaren eraikuntza, zientziaren balizko ojektibitateari buruz. Nola definitzen gaitu hain zuzen ere diskurtso horrek?